Qyrǵyzstanda tek kásibı psıhologter óz qyzmetin jarnamalaı alýy múmkin

ASTANA. KAZINFORM — Psıhologııalyq qyzmetterdi jarnamalaýǵa tek joǵary bilikti ári tıisti lıtsenzııasy bar mamandarǵa ǵana ruqsat berilýi kerek. Bul týraly Jogorký Kenesh depýtaty Ýlan Prımov Parlament otyrysynda málimdedi, dep jazady Kabar.

Onyń aıtýynsha, qazirgi tańda elde keıbir azamattar qysqa merzimdi psıhologııa kýrstaryn nemese semınarlaryn aıaqtap, halyqqa keńes bere bastaıdy.

— Mundaıǵa jol berilmeýi tıis. Psıholog retinde qyzmet kórsetýge tek joǵary oqý ornyn támamdaǵan jáne osy salada lıtsenzııasy bar tulǵalar ǵana quqyly bolýy kerek. Psıhologpen kezdeskennen keıin adam ózin jaqsy sezinip, densaýlyǵy qalpyna kelýi tıis, kerisinshe emes. Qyzmetterin jarnamalaýda da tek kásibı ári lıtsenzııasy bar mamandarǵa ǵana ruqsat berilýi qajet. Men jarnama týraly zań jobasyn ázirlep jatqan depýtattar osy usynysty eskeredi dep úmittenemin, — dedi ol.

Depýtattar qazirgi tańda Qyrǵyz Respýblıkasynyń «Jarnama týraly» Zańyna ózgerister engizý jónindegi zań jobasyn qarap jatyr. Bul joba birinshi oqylymda qaralyp jatyr. Onyń bastamashylary — depýtattar M.Mamatalıev, I.Kýbanychbekov, Rýstambek ýýlý S. jáne B.Marıpov.

Budan buryn Qyrǵyzstan mektepterde sıntetıkalyq esirtkini anyqtaý jobasyn ázirlep jatqanyn jazǵanbyz.