Qyrǵyzstanda taýdaǵy kól tasyp, 180 adam evakýatsııalandy

ASTANA. KAZINFORM – Qyrǵyzstannyń Chúı oblysy Ysyk-Ata aýdanynda Takyr-Tor taý kóliniń bógeti jarylyp, 180 adam evakýatsııalandy, dep habarlaıdy Kazinform agenttiginiń menshikti tilshisi.

Qyrǵyz Respýblıkasynyń TJM málimetinshe, qutqarýshylar qarttar men múgedekterge arnalǵan ınternat úıiniń turǵyndaryn qosa alǵanda, 180 adamdy qaýipsiz jerge kóshirdi.

QR TJM mınıstri, general-maıor Boobek Ajıkeevtiń tapsyrmasy jáne jeke baqylaýymen Almalýý, Gornaıa Serafımovka jáne Nıjnıaıa Serafımovka aýyldarynda evakýatsııalyq sharalar júrgizilýde.

Oqıǵa ornynda TJM qarasty monıtorıng jáne boljamdaý departamentiniń mamandary jumys istep jatyr. Takyr-Tor kóliniń jaǵdaıy dronnyń kómegimen naqtylaýda, sondaı-aq kólden sý aǵymyna monıtorıng júrgizilýde. Arnaıy tehnıka tartylyp, tıisti sharalarǵa daıyndyq qamtamasyz etildi.

Aıta keteıik, bıylǵy naýryz aıynda Qyrǵyzstannyń birneshe óńirinde aýa raıynyń jylynýy men jaýyn-shashynnyń kóp túsýine baılanysty qardyń kúrt erýinen laı kóshkini júrgeni habarlanǵan bolatyn.

Aıta keteıik, Qyrǵyzstanda shegirtkemen kúreste jańa preparat qoldanyla bastady.