Qyrǵyzstanda taýarlar men qyzmetterdiń baǵasy ósti
ASTANA. KAZINFORM — Qyrǵyzstanda jyl basynan bergi toǵyz aıda tutyný baǵalary men tarıfter 8,1 paıyz ósti, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Ulttyq statıstıka komıtetiniń málimetinshe, 2026 jylǵy qańtar-qyrkúıek aralyǵynda azyq-túlik pen alkogolsiz sýsyndar 7 paıyzǵa, alkogol ónimderi men temeki 8 paıyzǵa, azyq-túlikke jatpaıtyn taýarlar 6,8 paıyzǵa qymbattaǵan. Al halyqqa kórsetiletin qyzmetterdiń baǵasy 11,8 paıyz ósken.
Esepti kezeńde Qyrǵyzstannyń barlyq óńirinde baǵa men tarıf kóterilgen. Eń joǵary ósim Osh oblysynda tirkeldi. Munda azyq-túlik pen alkogolsiz sýsyndar 11,3 paıyzǵa, alkogol ónimderi men temeki 29,1 paıyzǵa, azyq-túlikke jatpaıtyn taýarlar 12,3 paıyzǵa, al halyqqa kórsetiletin qyzmetterdiń tarıfi 28,3 paıyzǵa qymbattaǵan.
Buǵan deıin Qyrǵyzstanda qant ımportyna tyıym salý josparlanǵany habarlanǵan bolatyn.
Sondaı-aq elde kartop ımportyna ýaqytsha shekteý engizý usynylǵan edi.
