Qyrǵyzstanda taksı júrgizýshileriniń lıtsenzııasyn tekserý keıinge qaldyryldy
ASTANA. KAZINFORM — Taksı júrgizýshileriniń lıtsenzııasyn tekserý 2026 jylǵy 1 aqpanǵa deıin keıinge aýystyryldy. Bul týraly «Kabar» agenttigine Jol-kólik qaýipsizdigin qamtamasyz etý basty basqarmasynyń (GÝOBDD) baspasóz qyzmeti habarlady.
Olardyń málimetine sáıkes, buryn taksı júrgizýshilerinen lıtsenzııa alý kezinde GÝOBDD bólimderinde uzyn-sonar kezekter paıda bolatyny jóninde ótinishter túsken. Sondyqtan júrgizýshiler qujattardy belgilengen merzimde rásimdeı almaı otyrǵan.
Osy ótinishterdi eskere otyryp, Jol-kólik qaýipsizdigin qamtamasyz etý basty basqarmasynyń bastyǵy, polıtsııa polkovnıgi Azenbek Kozýkeev lıtsenzııa rásimdeıtin júrgizýshilermen kezdesti. Ol qyzmetkerlerge uzyn kezekterdi qysqartý jáne júrgizýshilerge yńǵaıly jaǵdaı jasaýǵa qatysty tapsyrma berdi.
Azenbek Kozýkeev kezekterdi qysqartý úshin jumys aptanyń senbi kúnderi de jalǵasatynyn jáne túski úzilis ýaqytyn qysqartatynyn atap ótti.
Sondaı-aq lıtsenzııany tekserý jáne reıdtik sharalar kezinde aıyppul sanktsııalary engizý merzimi 2026 jylǵy 1 aqpanǵa deıin keıinge qaldyrylǵanyn habarlady.
Sonymen qatar, ol taksı shaqyrý baǵdarlamasyn (Informatsııalyq júıe arqyly taksı shaqyrý) paıdalanatyn júrgizýshilerdiń jumysy 2026 jylǵy 1 aqpanǵa deıin buǵattalmaıtynyn aıtty.
Lıtsenzııalardy berý respýblıka boıynsha barlyq GÝOBDD bólimderinde jalǵasyp jatyr.
Osydan buryn Qyrǵyzstanda janar-jaǵarmaı materıaldaryna qatysty jaǵdaı turaqtanǵany habarlandy.