Qyrǵyzstanda taǵy da alapat sel júrdi

BІShKEK. KAZINFORM — Búgin keshki 18:30 shamasynda Qyrǵyzstannyń Jalalabad oblysy Arystanbap aýylynda jańbyrdan keıin sý tasqyny júrip ótti. Bul jaıynda jergilikti Kabar agenttiginen habarlandy. 

Aqparat kózderi Jalalabad oblysy Bazarqorǵan aýdanynda selden ishki joldar men jeńil konstrýktsııalarǵa zaqym kelgenin jetkizdi. 

Tótenshe jaǵdaılar mınıstrliginiń málimetine sensek, qazir joldar ashyq tur. Oqıǵa ornynda qutqarý qyzmeti jumys istep jatyr. 

18:55 kezinde sel júrgen aımaqqa TJM jedel qyzmeti men óńirlik vedomstvonyń basshysy Abdýlnasyr Zakırov attandy. 

Zardap shekkender men kelgen shyǵyn jaıly aqparat naqtylanyp jatyr.  

Eske sala keteıik, 14 shildede Qyrǵyzstannyń Osh oblysynda da tolassyz jaýynnan keıin ózender arnasynan shyǵyp, sel júrip ótken bolatyn.

Qalada tótenshe jaǵdaı jarııalandy.

Tasqyn «Molbulaq» demalys ortalyǵynda turyp jatqan 4 adamdy aǵyzyp áketti. Olardyń bári — bir otbasynyń músheleri, ıaǵnı 44 jastaǵy anasy men 19, 10 jáne 6 jasar úsh qyzy. 

Keıinnen sýǵa aǵyp ketken 4 adamnyń denesi Ózbekstannan tabyldy.