Qyrǵyzstanda taǵy bir bank qurylady

ASTANA. KAZINFORM – Qyrǵyz Respýblıkasynyń Ulttyq banki jańa qarjy ınstıtýtyn – «Bereket Bank» jabyq aktsıonerlik qoǵamyn qurýǵa ruqsat berdi. Tıisti sheshimniń jýyrda retteýshi organnyń otyrysynda qabyldanǵany týraly Ulttyq bank málimdedi, dep habarlaıdy Kabar.

Bul – sońǵy aılarda Ulttyq bank tarapynan bank ashýǵa berilgen tórtinshi ruqsat.

Máselen, 2025 jyldyń tamyz aıynda «Alma Fınans Bank» JAQ, «Mýras Bank» JAQ jáne «Asman Bank» JAQ lıtsenzııa alǵan.

Budan bólek, qyrkúıek aıynda Ulttyq bank «Kylym Bank» ashýǵa ruqsat bergen. Al buǵan deıin, 2025 jyldyń qańtarynda Qyrǵyz Respýblıkasynyń Mınıstrler kabıneti osy bankti 100 paıyz memlekettik qatysýmen jáne jarǵylyq kapıtaly 1 mlrd som kóleminde qurý týraly qaýly qabyldaǵan edi.

Aıta keteıik, Qyrǵyzstanda baspana baǵasynyń qymbattaý sebepteri ataldy.