Qyrǵyzstanda sportshylardyń qurama sapyndaǵy jyldary eńbek ótiline sanalmaq
ASTANA. KAZINFORM — Qyrǵyzstanda sportshylardyń ulttyq quramada ótkizgen ýaqyty resmı túrde olardyń eńbek ótiline esepteledi, dep habarlaıdy Kazinform agenttiginiń Bishkektegi menshikti tilshisi.
Bul týraly «Bırınchı radıo» efırinde Dene shynyqtyrý jáne sport jónindegi memlekettik agenttiktiń dırektory Ýrmat Asanbaev habarlady.
Onyń aıtýynsha, dene shynyqtyrý jáne sport týraly zańǵa tıisti túzetýler engizilgen.
— Bizdiń sportshylarymyz halyqaralyq týrnırlerde Qyrǵyzstannyń týyn kóterip, onyń atynan óner kórsetedi, biraq olardyń eńbek ótili esepke alynbaı keldi. Túzetýlerge sáıkes, endi 18 jastan, sportshy ulttyq quramaǵa qosylǵan kezden, onyń eńbek ótili eseptele bastaıdy. Eger sportshy ulttyq quramada bes nemese on jyl qyzmet etse, bul kezeń onyń eńbek ótiline esepteledi. Ulttyq quramadan ketkennen keıin sportshylar sport nemese basqa da uıymdarǵa jumysqa ornalasý kezinde osy eńbek ótilin paıdalana alady, — dedi ol.
Buǵan deıin Bishkekte Ulttyq shahmat akademııasy ashylǵanyn habarlaǵan edik.
