Qyrǵyzstanda SIM kartasyn úshinshi tulǵaǵa bergender úshin qylmystyq jaýapkershilik engizildi

ASTANA.KAZINFORM — Qyrǵyzstanda SIM -kartalardy basqa bireýge bergender úshin qylmystyq jaýapkershilik engizildi, dep habarlaıdy Kazinform tilshisi.

Qyrǵyz Respýblıkasynyń Prezıdenti Sadyr Japarov «Qyrǵyz Respýblıkasynyń Qylmystyq kodeksine ózgerister engizý týraly» Qyrǵyz Respýblıkasynyń Zańyna qol qoıdy. Zańdy Qyrǵyz Respýblıkasynyń Jogorký Keneshi 25 maýsymda qabyldaǵan.

Zańnyń maqsaty — tulǵanyń óziniń bank kartasyn, shotyn, elektrondyq ámııanyn, mobıldi bankıngi, SIM kartasyn nemese basqa da qarjylyq derektemelerin úshinshi tulǵalarǵa berýine nemese satýyna jol bermeý, bul IT-tehnologııalar arqyly jasalatyn qylmystardyń deńgeıin tómendetýge yqpal etedi.

Osylaısha, zań Qyrǵyz Respýblıkasynyń Qylmystyq kodeksin úshinshi tulǵalarǵa elektrondyq tólem quraldaryn, vırtýaldy aktıv ámııanyn jáne SIM kartasyn qasaqana berý nemese satý úshin jaýapkershilikti belgileıtin normamen tolyqtyrýdy usynady (2091-bap).

Buǵan deıin habarlaǵanymyzdaı, Qyrǵyzstan Tájikstan jáne Ózbekstanmen shekara týraly kelisimdi ratıfıkatsııalady.

Aıta keteıik, buǵan deıin Qyrǵyzstan Tájikstan jáne Ózbekstanmen shekaranyń túıisýi týraly shartty ratıfıkatsııalady.