Qyrǵyzstanda ShYU shyńy paıda bolady
BІShKEK. KAZINFORM — Qyrǵyzstan prezıdenti Sadyr Japarov tıisti jarlyqqa qol qoıdy, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Respýblıkasynyń Shý oblysy Alamýdýn aýdanyndaǵy «Ala-Archa» memlekettik tabıǵı saıabaǵynda bıiktigi 4050 metr ataýy joq taý shyńyna «Shanhaı yntymaqtastyq uıymynyń shyńy» geografııalyq ataýyn berý usynylyp otyr.
Jarlyqqa sáıkes, Shanhaı yntymaqtastyq uıymynyń qurylýynyń 25 jyldyǵyna jáne 2026 jyly Qyrǵyz Respýblıkasynda Shanhaı yntymaqtastyq uıymyna múshe memleketter basshylary keńesiniń otyrysyn ótkizýge baılanysty Mınıstrler kabınetine úsh aı ishinde Qyrǵyz Respýblıkasynyń tıisti zań jobasyn ázirlep, ony Qyrǵyz Respýblıkasy Joǵarǵy Keneshiniń qaraýyna engizý tapsyryldy.
Búgin Bishkekte Qyrǵyzstannyń tóraǵalyǵymen Shanhaı yntymaqtastyq uıymyna (ShYU) múshe memleketter basshylary keńesiniń kezekti otyrysy bastalady.
Eske salaıyq, buǵan deıin Bishkektegi ShYU sammıtinde nendeı máseleler talqylanyp, qandaı sheshimder qabyldanatyny týraly jazǵanbyz.
