Qyrǵyzstanda ShYU-ǵa múshe elderdiń bas prokýrorlarynyń keńesi ótip jatyr
ASTANA. KAZINFORM—Bishkektegi «Ala-Archa» memlekettik rezıdentsııasynda Qyrǵyzstan tóraǵalyǵymen Shanhaı yntymaqtastyq uıymyna múshe elderdiń bas prokýrorlarynyń keńesi ótip jatyr.
Oǵan Belarýs, Úndistan, Iran, Qazaqstan, Qytaı, Qyrǵyzstan, Pákistan, Reseı, Tájikstan, Ózbekstannyń qadaǵalaý departamentteriniń basshylary, uıym hatshylyǵynyń, ShYU-nyń terrorızmge qarsy aımaqtyq qurylymynyń jáne halyqaralyq prokýrorlar qaýymdastyǵynyń basshylary qatysyp jatyr.
Qatysýshylar qazirgi álemdegi jáne tsıfrlandyrý dáýirindegi prokýratýranyń rólin, ShYU-ǵa múshe memleketterdiń jańa qaýipterge qarsy turý tájirıbesin talqylap, tsıfrlandyrý jaǵdaıynda adam quqyqtaryn qamtamasyz etýdiń birlesken strategııalaryn ázirleıdi.
Kezdesý qorytyndysy boıynsha yntymaqtastyqty jalǵastyrý jáne ShYU jumysyn kúsheıtý týraly hattamaǵa qol qoıylady.
