Qyrǵyzstanda Shyńǵys Aıtmatov týraly kórkem fılmniń túsirilimi bastaldy
ASTANA. KAZINFORM — Belgili jazýshy Shyńǵys Aıtmatov týraly kórkem fılmniń alǵashqy túsirilim jumystary júrip jatyr. Bul týraly «Kabar» agenttigine fılmniń rejısseri ári bas operatory Kanybek Kalmatov málimdedi.
Onyń aıtýynsha, aldymen jurtshylyqqa fılmniń tızeri usynylady.
Onda qandaı oqıǵalar men taqyryptarǵa basa nazar aýdarylatyny kórsetiledi.
— Qazirgi ýaqytta biz tızer túsirip jatyrmyz. Sonymen qatar negizgi túsirilimderge daıyndyq bastaldy. Fılm negizinen jyl mezgilderine sáıkes blok-blok bolyp túsiriledi, — dedi ol.
Budan buryn Almatydaǵy Dostyq úıinde Mádenıet qaıratkerlerine Shyńǵys Aıtmatov atyndaǵy halyqaralyq syılyq tabystalǵanyn jazǵan edik. Olardyń qatarynda teatr men kınonyń damýyna qosqan eleýli úlesi úshin Qazaqstannyń halyq ártisteri Dosqan Joljaqsynov, Tuńǵyshbaı Jamanqulov jáne Nurjuman Yqtymbaev bar.
Sonymen qatar Prezıdent Qasym-Jomart Toqaev Qyrǵyz Respýblıkasyna resmı sapary barysynda qyrǵyz halqynyń kemeńger jazýshysy Shyńǵys Aıtmatovtyń beıitine zııarat etip, qalamgerdiń rýhyna Quran baǵyshtaǵany habarlandy.