Qyrǵyzstanda sheteldik jumysshylarǵa mindetti talaptar engizildi
ASTANA. KAZINFORM — Qyrǵyzstanda kórshiles elderden kelip, jeke tulǵalarǵa qurylys, ósimdik sharýashylyǵy, mal sharýashylyǵy nemese turmystyq qyzmet kórsetý salasynda jumys isteıtin shetel azamattary endi patent pen saqtandyrý polısin ózderi rásimdeýge mindetti, dep habarlaıdy Kabar.
Qyrǵyzstannyń Memlekettik salyq qyzmetiniń málimetinshe, patenttiń quny aıyna 800 somdy (shamamen 4,5 myń teńge), al saqtandyrý jarnasy qysqartylǵan ortasha aılyq jalaqynyń 6 paıyzyn quraıdy.
Patent rásimdeý úshin:
-
kez kelgen Halyqqa qyzmet kórsetý ortalyǵynan (TsON) jeke sáıkestendirý nómirin (PIN) alý;
-
aýmaqtyq salyq organynda salyqtyq tirkeýden ótip, alǵashqy patentti rásimdeý;
-
alǵash júgingen kezde salyq tóleýshiniń jeke kabınetine kirýge arnalǵan logın men qupııasózdi alý;
-
keıin patenttiń merzimin «Salyq tóleýshiniń kabıneti» arqyly onlaın uzartý qajet.
Vedomstvonyń málimetinshe, patent vızasyz rejım kezeńinde rásimdeledi jáne tek jeke tulǵalarǵa jumys isteýge quqyq beredi.
Eger eńbek mıgranty zańdy tulǵada nemese jeke kásipkerde jumys istese, onda barlyq salyq mindettemelerin jumys berýshi salyq agenti retinde oryndaıdy.
Eske salaıyq, tirkeýsiz jáne qajetti qujattarsyz jumys isteý ákimshilik jaýapkershilikke ákeledi.
Osyǵan deıin Qyrǵyzstan zańsyz mıgranttarǵa aıyppulsyz elden shyǵýǵa múmkindik bergenin jazǵan bolatynbyz.
