Qyrǵyzstanda shetel azamattarynyń elde bolý tártibi ózgerdi

ASTANA. KAZINFORM — Syrtqy ister mınıstrligi shetel azamattarynyń Qyrǵyzstan aýmaǵynda bolý tártibi týraly erejege ózgerister engizilgenin habarlady, dep jazady Kabar.

Vedomstvo atap ótkendeı, qabyldanǵan ózgerister kóshi-qon úderisterin retteýge, shetel azamattarynyń elde zańdy túrde bolýyn jeńildetýge, sondaı-aq elge kirý men bolýdyń aıqyn, ashyq ári ıkemdi sharttaryn qalyptastyrýǵa baǵyttalǵan.

Atap aıtqanda, etnıkalyq qyrǵyzdar men olardyń otbasy músheleriniń quqyqtyq mártebesin retteıtin arnaıy norma engizildi.

Oǵan sáıkes, buryn belgilengen merzimnen asyp ketken jáne qajetti ruqsat qujattaryn ýaqytynda rásimdemegen tulǵalarǵa Qyrǵyzstan aýmaǵyna bir ret kirýge ruqsat beriledi. Olar 30 jumys kúni ishinde ózderiniń quqyqtyq mártebesin zańdastyrýǵa múmkindik alady.

Osyǵan baılanysty mınıstrlik shetel azamattary men qabyldaýshy tarapty Qyrǵyzstan aýmaǵynda bolý merzimderin qatań saqtaýǵa jáne jańa ózgeristerdi elde bolýdy josparlaý kezinde eskerýge shaqyrady.

Qaýly resmı jarııalanǵan kúnnen bastap on kún ótken soń kúshine enedi.

Osydan buryn 2025 jyly shetelge jumys isteý úshin shamamen 170 myń Qyrǵyzstan azamaty ketkenin jazǵan bolatynbyz.