Qyrǵyzstanda shetel azamattaryna rezıdent-karta beriledi
ASTANA. KAZINFORM — Endi Qyrǵyzstanǵa keletin shetel azamattary óz qyzmetin rezıdent-karta negizinde júzege asyratyn bolady. Bul týraly Syrtqy ister mınıstrliginiń Konsýldyq departamentiniń dırektory Seıtek Jýmakadyr ýýlý BAQ ókilderine arnalǵan brıfıngte málimdedi, dep Kabar agenttigi jazdy.
Vedomstvo basshysynyń aıtýynsha, rezıdent-kartaǵa shetel azamatynyń jeke derekteri engiziledi.
Atap aıtqanda, kartada mynadaı málimetter bolady:
-
shetel azamatynyń aty-jóni;
-
densaýlyq jaǵdaıyna qatysty kórsetkishter;
-
jalaqy mólsheri;
-
salyqtyq aýdarymdar;
-
shaqyrýshy tarap pen jumys berýshi týraly aqparat.
Sonymen qatar rezıdent-karta banktik karta qyzmetin de atqarady.
Seıtek Jýmakadyr ýýlýnyń sózinshe, rezıdent-kartalar júıesi eldiń jáne shetel azamattarynyń qaýipsizdigin qamtamasyz etý maqsatynda ázirlengen. Budan bólek, bul bastama bıýrokratııalyq rásimderdi azaıtýǵa jáne ýaqyt únemdeýge baǵyttalǵan.
— Bir jaǵynan, elimizge kim kelip, qaıda jumys istep júrgenin bilýimiz qajet. Ekinshi jaǵynan, shetel azamattarynyń óz qaýipsizdigine de basa nazar aýdarýymyz kerek, — dedi ol.
Іs-shara sońynda Konsýldyq departamenttiń dırektory Qyrǵyzstanda jumys istep júrgen sheteldik kompanııa qyzmetkerlerine alǵashqy rezıdent-kartalardy tabystady.
Eske sala keteıik, buǵan deıin Qyrǵyzstanda baǵalar men tarıfter ósip jatqanyn jazdyq.