Qyrǵyzstanda selden keıingi materıaldyq shyǵyn 1,1 mlrd somnan asty

ASTANA. KAZINFORM — Qyrǵyzstanda jarty jylda selden kelgen materıaldyq shyǵyn kólemi 1,1 mıllıard somnan asty. Bul týraly Qyrǵyz Respýblıkasy Tótenshe jaǵdaılar mınıstriniń birinshi orynbasary Azamat Mámbetov málim etti.

Onyń aıtýynsha, jyl basynan beri 24 shildedegi jaǵdaı boıynsha respýblıkada 311 sel bolǵan. Materıaldyq shyǵyn kólemi 1,1 mıllıard somnan asty. Apat saldarynan elde 22 adam qaza tapty: Osh oblysynda - 15, Osh qalasynda - 5, Jalal-Abad oblysynda - 1, Batken oblysynda - 1.

Esterińizge sala keteıik, 28 maýsymda Qyrǵyzstannyń Nookat oblysynda sel boldy. Tabıǵı apat saldarynan turǵyndar men týrıster arasynda qaza tapqandar bar. Qaza tapqandar arasynda qazaqstandyq balalar da bar.

14 shildede Osh qalasynda joıqyn sel saldarynan 5 adam, onyń ishinde bir otbasy músheleri – anasy men úsh qyzy qaza tapty.