Qyrǵyzstanda saılaýshylar sany 4,2 mıllıonnan asty

ASTANA. KAZINFORM — 2025 jylǵy 1 qazanǵa qaraǵandaǵy málimet boıynsha, Qyrǵyzstanda saılaýshylar sany 4 mıllıon 287 myń adamdy quraıdy, dep habarlaıdy Kabar.

Bul týraly jýrnalısterge Ortalyq saılaý komıssııasynyń tóraǵasy Tynchtyk Shaınazarov habarlady.

Onyń aıtýynsha, Prezıdent pen Jogorký Kenesh depýtattaryn saılaý týraly Konstıtýtsııalyq zańǵa sáıkes, Qyrǵyzstan aýmaǵy 30 saılaý okrýgine bólingen.

— Eger joǵaryda atalǵan saılaýshylar sanyn 30 okrýgke bólsek, bir okrýgke orta eseppen 142 900 saılaýshydan keledi. Okrýgterdi qalyptastyrý barysynda geografııalyq erekshelikter eskerildi. Konstıtýtsııalyq zańda bul kórsetkishten plıýs-mınýs 20% aýytqý múmkindigi qarastyrylǵan. Bul — eldiń geografııalyq ornalasý ereksheligin eskerý úshin engizilgen norma, — dedi Shaınazarov.

Ol mysal retinde Qara-Sý aýdanyn keltirdi, bul aýdanda shamamen 250 myń saılaýshy bar. Sondyqtan Qara-Sý aýdanynyń keıbir aýyl aımaqtary Choń-Alaı men Aravan aýdandaryna, al bir bóligi Ózgón aýdanyna qosylǵan. Dál osyndaı tásil Bishkek qalasyna qatysty da qoldanylǵan.

— Mysaly, keıbir MTÝ (mamandandyrylǵan aýmaqtyq birlikter) Alamúdún aýdanyna qosyldy. Sebebi ákimshilik-aýmaqtyq reforma nátıjesinde Alamúdún aýdanynyń kóp bóligi Bishkek qalasyna qosyldy, nátıjesinde bul aýdanda saılaýshylar sany azaıyp qaldy. Osyǵan baılanysty biz Bishkek qalasynan keıbir ýchaskelerdi Alamúdún aýdanyna berdik. Osylaısha, el boıynsha ortasha 142 myń saılaýshydan keletin talap saqtaldy jáne **geografııalyq tutastyq buzylǵan joq, — dep túsindirdi OSK tóraǵasy.

Aıta keteıik, budan buryn Qyrǵyzstan prezıdenti parlament saılaýyn óz baqylaýyna alatyny habarlandy. Onyń sózinshe, Qyrǵyzstan bıligi el tarıhynda ashyq ári ádil saılaý ótkizýge bar jaǵdaıdy jasady.