Qyrǵyzstanda ruqsat etilmegen oryndarǵa qoqys tastaǵandar qoǵamdyq jumysqa tartylady
ASTANA.KAZINFORM — El parlamenti birinshi oqylymda quqyq buzýshylyqtar týraly kodekske túzetýler engizdi. Bul túzetýler kógaldandyrý, qaldyqtardy basqarý jáne sý sharýashylyǵy nysandarynyń qaýipsizdik erejelerin buzǵandarǵa qoldanylatyn jaza tıimdiligin arttyrýǵa baǵyttalǵan, dep habarlaıdy Kazinform agenttiginiń Bishkektegi tilshisi.
Qujatqa sáıkes, aıyppul men eskertýlerge balama retinde qoǵamdyq jumystar kelesi áreketter úshin engiziledi:
- kógaldandyrý erejelerin buzǵany úshin azamattarǵa 20 saǵat qoǵamdyq jumys jazasy taǵaıyndalady;
- ruqsat etilmegen oryndarǵa qoqys tastaǵany, qaldyqtardy saqtaǵany nemese órtegeni úshin 20 saǵat qoǵamdyq jumys;
- ruqsat etilmegen oryndarǵa ónerkásiptik jáne medıtsınalyq qaldyqtardy tastaǵany nemese saqtaǵany úshin 20-dan 30 saǵatqa deıin qoǵamdyq jumys;
- qoqysty, japyraqtardy, qatty turmystyq, ónerkásiptik qaldyqtardy jáne basqa da zattardy órtegeni úshin 20-dan 30 saǵatqa deıin qoǵamdyq jumys;
- sý sharýashylyǵy qurylymyna zaqym keltirgeni, kollektorlyq-drenajdyq júıeni buzǵany nemese olardyń paıdalaný erejelerin qasaqana nemese abaısyzda buzǵany úshin 20-dan 40 saǵatqa deıin qoǵamdyq jumys qarastyrylady.
Buǵan deıin Qyrǵyzstandaǵy memlekettik marapattar men ataqtardyń sany eki esege qysqarǵany habarlanǵan bolatyn.
