Qyrǵyzstanda «robot-hırýrg» paıda boldy
ASTANA. KAZINFORM - Qyrǵyzstanda alǵashqy robottandyrylǵan hırýrgııalyq júıe tanystyryldy, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Densaýlyq saqtaý mınıstrliginiń málimetinshe, «robot-hırýrg» ózdiginen sheshim qabyldamaıdy jáne dárigerdi almastyrmaıdy. Ota kezinde barlyq negizgi sheshimdi hırýrg qabyldaıdy, al tehnologııa onyń qımyldarynyń dáldigin arttyryp, ota jasalatyn aımaqty jaqsyraq kórýge múmkindik beredi.
— Robottandyrylǵan júıe hırýrgke quraldardy barynsha dál basqarýǵa, shaǵyn tilikter arqyly jumys isteýge jáne ota jasalatyn aımaqtyń úlkeıtilgen keskinin kórýge múmkindik beredi. Ota kezinde barlyq áreketti dáriger oryndaıdy jáne baqylaıdy, — dep atap ótti vedomstvo.
Robot kómegimen jasalatyn operatsııa kezinde hırýrg arnaıy basqarý pýltiniń aldynda otyryp, naýqastyń denesine shaǵyn tesikter arqyly engiziletin shaǵyn quraldardy basqarady. Kamera operatsııa jasalatyn aımaqtyń keskinin kórsetedi. Júıe keskindi 10-15 esege deıin úlkeıtýge múmkindik beredi. Bul ásirese shaǵyn anatomııalyq qurylymdarmen jumys istegen kezde mańyzdy.
Buǵan deıin Qyrǵyzstanda quqyqtyq tártipti qorǵaýǵa arnalǵan robot-ıt tanystyrylǵan bolatyn.
