Qyrǵyzstanda reper NAVAI-dyń shekaradan esirtkimen ótýi boıynsha tergeý bastaldy
ASTANA. KAZINFORM — Qyrǵyzstannyń Memlekettik shekara qyzmeti reper NAVAI-dyń shekaradan esirtkimen ótýiniń mán-jaıyn tekserip jatyr, dep habarlaıdy Kazinform agenttiginiń Bishkektegi tilshisi jergilikti BAQ-qa silteme jasap.
Qyrǵyzstan Memlekettik shekara qyzmetiniń málimdeýinshe, «Ak-Jol — avtodorojnyı» ótkizý pýnktinde shekaradan ótýine qatysty barlyq mán-jaılardy anyqtaý úshin ishki tekseris júrgizip jatyr.
— Tekseris nátıjeleri boıynsha, eger qandaı da bir buzýshylyqtar anyqtalsa, jaýapty laýazymdy tulǵalarǵa belgilengen zańnamaǵa sáıkes tıisti sharalar qoldanylady, — delingen málimdemede.
NAVAI 13 qazanda Qazaqstanǵa kirgen kezde Qordaı shekara beketinde ustaldy.
Navaı 14 qazanda Astanada jeke kontsertin ótkizýi kerek edi. Keıinirek TASS kontserttiń bolmaıtynyn habarlady.
Ánshi Navaı Jambyl oblysynda qamaýǵa alyndy.
