Qyrǵyzstanda referendýmda daýys berý aıaqtaldy

BІShKEK. KAZINFORM- Bishkekte jergilikti ýaqyt boıynsha, saǵat 20:00-de Qazaqstannyń Qyrǵyzstandaǵy dıplomatııalyq ókildiginde referendým ótetin ýchaskede daýys berý aıaqtaldy, dep habarlaıdy Kazinform-nyń menshikti tilshisi.

Qyrǵyzstandaǵy №428 ýchaskede elektoraldy protsess tynysh ótti. Adamdardyń kelý kórsetkishi 71 paıyzdy qurady.

Daýys berýge túrli sebeppen elde júrgen jáne turaqty turatyn otandastar qatysty. Olardyń qatarynda sportshylar men stýdentter de bar.

Qyrǵyz Respýblıkasyndaǵy Qazaqstan Elshiliginiń qyzmetkerleri referendým ýchaskesiniń úzdiksiz jumysyn qamtamasyz etýge, daýys berý úderisiniń ashyqtyǵy men aıqyndyǵyn saqtaýǵa, sondaı-aq qazaqstandyqtardyń qaýipsizdigin qamtamasyz etýge bar kúshin saldy.

Buǵan deıin Qyrǵyzstandaǵy qazaqstandyqtardyń qalaı daýys berip jatqany týraly habarlanǵan bolatyn.

Sondaı-aq Bishkektegi referendýmnyń ýchaskelik komıssııasyna Qazaqstan Respýblıkasynyń jeńil atletıka quramasy kelip, daýys berdi.