Qyrǵyzstanda QR-kod tólemderiniń kólemi rekordtyq deńgeıge jetti

ASTANA. KAZINFORM — Qyrǵyzstanda qolma-qol aqshasyz esep aıyrysý júıesin engizý jumystary qarqyndy túrde júrgizilip jatyr, dep habarlaıdy Kabar.

Ulttyq banktiń málimetinshe, ELQR júıesine qazir 20 kommertsııalyq bank pen 14 tólem uıymy qosylǵan, sondaı-aq 32 mobıldi qosymsha jumys isteıdi.

Elde 15 mıllıonnan astam esepshot, 9,8 mıllıon bank kartasy, 3,5 mıllıon sáıkestendirilgen elektrondy ámııan jáne 3 mıllıon mobıldi agenttik qosymshalar qyzmet kórsetedi.

Tek 2025 jyldyń alǵashqy jartyjyldyǵynda QR-kod arqyly tólemderdiń rekordtyq somasy – 274,9 mıllıard somǵa jasaldy.

Bul ótken jyldyń osy kezeńimen salystyrǵanda (13,8 mlrd som) 19,9 ese kóp.

Ósim búkil respýblıka boıynsha 80,5 myńnan astam saýda núktelerinde QR-kodtardy keńinen engizý esebinen qamtamasyz etildi.

Osydan buryn habarlanǵandaı, Qyrǵyzstanda Jalaal-Abad qalasynyń ataýy Manas bolyp ózgertildi.