Qyrǵyzstanda Prezıdent saılaýyna qatysýǵa qansha adam ótinish berdi
ASTANA. KAZINFORM — Qyrǵyzstanda aldaǵy prezıdent saılaýyna kandıdattar usyný úderisi jalǵasyp jatyr, dep habarlaıdy Kazinform agenttiginiń Bishkektegi menshikti tilshisi.
11 qarashadaǵy málimet boıynsha, Prezıdenttikke kandıdat bolýǵa nıetti jeti adam Ortalyq saılaý komıssııasyna ótinish bergen.
Qujat tapsyrǵan úmitkerlerdiń qatarynda:
* Qyrǵyzstannyń qazirgi Prezıdenti Sadyr Japarov
* kásipker Aımen Kasenov
* bıznesmen Azamat Esenbekov
* Qarjy polıtsııasynyń burynǵy basshysy Syımyk Japykeev • kásipker Akaı Kydyrov
* Jogorký Keneshtiń burynǵy depýtaty Ishak Masalıev
* Jogorký Keneshtiń burynǵy depýtaty Baktybek Kalmamatov bar.
Kandıdattardy usyný merzimi 2026 jylǵy 13 qarashaǵa deıin jalǵasady.
Eske sala keteıik, Qyrǵyzstanda prezıdent saılaýy 2027 jylǵy 27 qańtarda ótedi.
Sadyr Japarov Qyrǵyzstan prezıdenttigine óz kandıdatýrasyn usynǵan.
Sonymen qatar Qyrǵyzstandaǵy prezıdent saılaýyna barlyǵy 1,2 mlrd som (shamamen 6,06 mlrd teńge) jumsalmaq.
Buǵan deıin Qyrǵyzstanda prezıdent saılaýyna qatysýǵa alǵashqy kandıdat ótinish bergenin habarlaǵan bolatynbyz.
