Qyrǵyzstanda prezıdent saılaýyna qatysýǵa alǵashqy kandıdat ótinish berdi
ASTANA. KAZINFORM — Kásipker Aımen Kasenov Qyrǵyzstannyń Ortalyq saılaý komıssııasyna prezıdent saılaýyna qatysý úshin óz kandıdatýrasyn usyndy, dep habarlaıdy Kazinform 24.kg saıtyna silteme jasap.
Aımen Kasenovtiń bızneste 25 jyldyq tájirıbesi bar. Ol buryn Reseı-Qyrǵyzstan damý qorynyń basqarma múshesi, «Gazpromneft-Kazahstan» kompanııasynyń bas dırektory jáne Bishkek meriniń keńesshisi qyzmetterin atqarǵan.
Eger Aımen Kasenovke saılaýǵa túsýge ruqsat berilse, bul onyń ekinshi prezıdenttik naýqany bolady. Ol 2021 jyly da saılaýǵa qatysyp, 1%-dan az daýys jınaǵan.
Prezıdenttik saılaýǵa kandıdattardy usyný merzimi 2026 jyldyń 13 qarashasyna deıin sozylady, sodan keıin Ortalyq saılaý komıssııasy kandıdattardy tirkeýdi jáne saılaýǵa odan ári daıyndyqty bastaıdy.
Eske sala keteıik, Qyrǵyzstanda prezıdent saılaýy 2027 jylǵy qańtarda ótedi.
Qyrǵyzstan Ortalyq saılaý komıssııasynyń dereginshe, prezıdent saılaýyna barlyǵy 1,2 mlrd som (shamamen 6,06 mlrd teńge) jumsalmaq.
