Qyrǵyzstanda prezıdent saılaýyn baqylaý ortalyǵy ashylady
ASTANA. KAZINFORM — Qyrǵyz Respýblıkasynyń Saılaý jáne referendýmdar jónindegi ortalyq komıssııasy alǵash ret aldaǵy prezıdent saılaýynda jumys isteıtin qoǵamdyq baqylaý ortalyǵyn quryp jatyr, dep habarlaıdy Kazinform agenttiginiń Bishkektegi menshikti tilshisi.
Bul jańalyq saılaý protsesine degen senimdi nyǵaıtýǵa jáne eldegi saılaý ýchaskelerinde daýys berýdi onlaın baqylaýǵa jaǵdaı jasaý maqsatynda engizilmek.
Baqylaý ortalyǵy daýys berý kúni iske qosylady.
Ortalyqqa azamattar, BAQ ókilderi, halyqaralyq jáne basqa da baqylaýshylar jáne basqa da múddeli taraptar belgilengen talaptardy saqtaı otyryp tegin kirýine bolady. Kelýshiler tirkelip, ýaqytsha beıdj alýy kerek.
Kelýshilerge úgit júrgizýge, qural-jabdyqtardyń jumysyna aralasýǵa nemese qoǵamdyq tártipti buzýǵa tyıym salynady. Beınehabarlardy úgit-nasıhat maqsatynda paıdalanýǵa jáne saılaýshylardyń erkin anyqtaýǵa baǵyttalǵan áreketterge de tyıym salynady.
Eske salaıyq, Qyrǵyzstandaǵy kelesi prezıdent saılaýy 2027 jyldyń 27 qańtaryna josparlanǵan.
Qyrǵyzstan Ortalyq saılaý komıssııasynyń dereginshe, prezıdent saılaýyna barlyǵy 1,2 mlrd som (shamamen 6,06 mlrd teńge) jumsalmaq.
Qyrǵyzstanda prezıdent saılaýyna qatysýǵa alǵashqy kandıdat ótinish berdi.
