Qyrǵyzstanda prezıdent saılaýy: 81 BAQ akkredıtteldi
ASTANA. KAZINFORM — Qyrǵyzstannyń Saılaý jáne referendým ótkizý jónindegi ortalyq komıssııasy prezıdent saılaýy naýqanyna qatysatyn 81 BAQ-ty akkredıttedi, dep habarlaıdy Kazinform agenttiginiń Bishkektegi menshikti tilshisi.
Komıssııanyń málimeti boıynsha, 19 baspa basylym, 22 teledıdar jáne radıo uıymy, 13 radıostantsııa jáne 27 ınternet-basylym akkredıtteldi.
Akkredıttelgen BAQ jáne onlaın BAQ Qyrǵyzstan zańnamasyna sáıkes kandıdattardyń úgit-nasıhat jumystaryn dál jáne obektıvti túrde jarııalaýdy qamtamasyz etýi tıis ekeni atap ótildi.
Eske sala keteıik, Qyrǵyzstandaǵy kelesi prezıdent saılaýy 2027 jyldyń 27 qańtaryna josparlanǵan.
Qyrǵyzstan Ortalyq saılaý komıssııasynyń dereginshe, prezıdent saılaýyna barlyǵy 1,2 mlrd som (shamamen 6,06 mlrd teńge) jumsalmaq.
Qyrǵyzstanda prezıdent saılaýyna qatysýǵa alǵashqy kandıdat ótinish berdi.
