Qyrǵyzstanda prezıdent saılaýy 2027 jylǵy qańtarda ótedi
ASTANA. KAZINFORM — Jogorký Kenesh depýtattary Qyrǵyz Respýblıkasy prezıdenti saılaýyn belgileý týraly qaýlynyń jobasyn qabyldady, dep habarlaıdy Kazinform agenttiginiń Bishkektegi menshikti tilshisi.
Jogorký Keneshtiń Konstıtýtsııalyq zańnama, memlekettik qurylys, jergilikti ózin-ózi basqarý jáne reglament komıtetiniń tóraıymy Gúlnar Ákimbaevanyń aıtýynsha, Qyrǵyz Respýblıkasyndaǵy prezıdent saılaýy Jogorký Keneshtiń qaýlysymen belgilenip otyr.
Kezekti prezıdent saılaýy memleket basshysynyń ókilettigi aıaqtalatyn jyldyń qańtar aıynyń tórtinshi sársenbisinde, ıaǵnı 2027 jyldyń 27 qańtarynda ótedi.
Buryn Qyrǵyzstan prezıdent jáne parlament saılaýynyń kúnin jeksenbiden sársenbige aýystyrǵany týraly habarlanǵan bolatyn.
