Qyrǵyzstanda parlament jumysyn jasandy ıntellekt taratady

ASTANA.KAZINFORM - Qyrǵyzstan Joǵarǵy Keńesiniń (Parlament) jumysyna jasandy ıntellekt engizilip jatyr, dep habarlaıdy Kazinform agenttiginiń Bishkektegi tilshisi.

Joǵarǵy Keńes baspasóz qyzmetiniń habarlaýynsha, parlamenttik is-sharalardy jarııalaý úshin «Aıym Keńes Qyzy» jáne «Myrza Myızam ýýlý» neırondyq jelilik júrgizýshileri iske qosyldy. Olar depýtattardyń jumysy týraly jańalyqtardy usynady, kúnniń oqıǵalaryn qorytyndylaıdy jáne apta oqıǵalarymen kópshilikti habardar etedi.

Jasandy ıntellektpen jumys isteıtin telejúrgizýshilerdi engizý bastamasy parlament jumysyn tsıfrlandyrý josparlarynyń bir bóligi.

-Aıym Keńes Qyzy» jáne «Myrza Myızam ýýlý» ınnovatsııanyń zań shyǵarýshy organnyń jumysyn qalaı ózgerte alatynyn jáne azamattarmen baılanysty qalaı jaqsarta alatynyn kórsetetin alǵashqy jobalardyń biri, - delingen málimdemede.

Buǵan deıin Qyrǵyzstanda 2027 jyldan bastap tsıfrlyq som engiziletinin habarlaǵan edik.