Qyrǵyzstanda para aldy degen kúdikpen sýdıa ustaldy

ASTANA. KAZINFORM - Bishkekte 22 myń dollar para alǵany úshin  Lenın aýdandyq sotynyń sýdıasy ustaldy, dep habarlaıdy Kazinform agenttiginiń menshikti tilshisi.

Qyrǵyz Respýblıkasy Ulttyq qaýipsizdik memlekettik komıtetiniń (UQMK) málimetinshe, ustalǵan A.M.A. advokat M.S.A. arqyly deldaldyq jolmen azamattyq is boıynsha oń sheshim qabyldaý úshin aqsha alǵan.

Qyrǵyz Respýblıkasynyń Bas prokýrory sýdıa men advokatqa qatysty Qylmystyq kodekstiń 342-baby («Jaýapty memlekettik laýazymdy tulǵanyń iri kólemde para alýy») boıynsha qylmystyq is qozǵady.

13 aqpanda Qyrǵyz Respýblıkasy Sýdıalar keńesiniń sheshimi negizinde Bishkektiń Lenın aýdandyq sotynyń sýdıasy A.M.A. Qyrǵyz Respýblıkasy Ulttyq qaýipsizdik memlekettik komıtetiniń tergeý ızolıatoryna qamaýǵa alyndy.

Qazirgi ýaqytta atalǵan faktilerdi qujattaý jáne ustalǵan sýdıa men basqa da tulǵalardyń osyndaı qylmystyq áreketterin anyqtaý boıynsha tergeý amaldary jalǵasyp jatyr.

Buǵan deıin Qyrǵyzstanda Parlament qurýdyń jańa tetigi qarastyrylyp jatqany týraly jazǵan edik.