Qyrǵyzstanda otyn baǵasy nelikten ósip jatyr
BІShKEK. KAZINFORM — Prezıdent ákimshiligi aqparattyq saıasat qyzmetiniń basshysy Daıyrbek Orýnbekovtiń pikirinshe, AQSh pen Izraıldiń Iranǵa qarsy soǵysy bastalǵannan beri búkil álemde gaz ben otyn baǵasy kúrt ósip, bul jaǵdaı Qyrǵyzstanǵa da áser etti, dep habarlaıdy Kazinform agenttiginiń Bishkektegi menshikti tilshisi.
— Qaqtyǵysqa deıin Qyrǵyzstan Reseıden AI-92 benzınin tonnasyna shamamen 650 dollardan ımporttaǵan. Qazir onyń ortasha baǵasy — 950 dollar. Buryn dızel otynynyń baǵasy tonnasyna 700 dollar bolsa, qazir 1200 dollardan asady, — dep jazdy sheneýnik.
Osyǵan deıin Qyrǵyzstannyń shekara aımaǵynda kontrabandalyq qazaqstandyq benzınniń satylýy týraly habarlanǵan bolatyn.
2025 jyldyń jazynda qyrǵyz-qazaq shekarasyna jaqyn joldarda plastık ydystaǵy benzınniń rettelmegen satylymy jalǵasyp jatqanyn jazdyq.
2026 jyldyń aqpan aıynda Qyrǵyzstanda Qazaqstannan kontrabandalyq benzın tasymaldaǵan 37 kólik toqtatyldy.
