Qyrǵyzstanda otbasynda janjal shyǵarýshylarǵa elektrondy baqylaý engizilmek

BІShKEK. KAZINFORM — Qyrǵyzstanda turmystyq zorlyq-zombylyqpen kúres sharalaryn kúsheıtý maqsatynda tártip buzýshylarǵa elektrondy bilezikter qoldanýdy engizý usynyldy. Tıisti zań jobasyn Ádilet mınıstrligi tanystyrdy, dep habarlaıdy Kazinform agenttiginiń menshikti tilshisi.

Vedomstvonyń málimetinshe, qujat turmystyq zorlyq-zombylyq, ony jasaýshylardyń minez-qulqyna elektrondy monıtorıng engizýdi, sondaı-aq jábirlenýshilermen qarym-qatynasqa tyıym salý jáne ata-ana quqyqtaryn shekteý sııaqty shekteý sharalarynyń tizbesin keńeıtýdi qamtıdy. 

Zań jobasyna sáıkes, ýaqytsha qorǵaý nusqamalary men shekteýlerdiń saqtalýyn qashyqtyqtan baqylaý úshin tehnıkalyq quraldardy paıdalana otyryp, sharalar engizildi. Sot ornalasqan jerdi 3 aıǵa deıin baqylaýdy jáne belgilengen tyıymdardy saqtaýdy taǵaıyndaı alady.

Qorǵaý nusqamasynyń, túzetý baǵdarlamasynyń nemese elektrondyq baqylaýdaǵy tyıymdardyń talaptaryn oryndamaý qamaýǵa alý merzimin uzartýmen qosa, qatań jazaǵa ákep soǵady. 

Ýaqytsha qorǵaý nusqamasynyń, tyıym salýlar men shekteýlerdiń talaptaryn oryndamaǵany úshin qamaýǵa alýdyń eń uzaq merzimin buzýshylarǵa yqpal etýdi kúsheıtý úshin 14 táýlikke deıin arttyrý usynylyp otyr. 

Tártip buzýshylarǵa elektrondyq monıtorıng pen baqylaýdy júzege asyrý ýákiletti organǵa júkteledi. Tehnıkalyq quraldardy paıdalaný tártibi men sharttaryn Mınıstrler Kabıneti aıqyndaıdy.

Eske salsaq, budan buryn Qyrǵyzstanda 12 bala táttiden ýlanǵany habarlandy.