Qyrǵyzstanda ortasha aılyq jalaqy qaı salalarda ósti

ASTANA. KAZINFORM — 2025 jyldyń qańtar–tamyz aılarynda Qyrǵyzstanda shaǵyn kásiporyndardy esepke almaǵanda, bir qyzmetkerdiń ortasha aılyq nomınaldy jalaqysy 42 648 somdy qurady, bul 2024 jyldyń sáıkes kezeńimen salystyrǵanda 19,6% kóp, dep habarlaıdy Kabar.

Ulttyq statıstıka komıtetiniń málimetterine sáıkes, ınflıatsııany eskergende naqty jalaqynyń kólemi 10,9% ósken.

Jalaqy ósiminiń qarqyny ekonomıkanyń barlyq salalarynda baıqalyp, halyqtyń eńbek tabysynyń jalpy nyǵaıýyn kórsetedi.

Ortasha aılyq jalaqynyń eń kóp ósýi kelesi salalarda tirkeldi:

• jyljymaıtyn múlikpen operatsııalar — 38,9 %;

• qurylys salasynda — 36,8 %;

• ákimshilik jáne qosymsha qyzmet kórsetý salasynda — 30,0 %;

• kásibı, ǵylymı jáne tehnıkalyq qyzmette — 28,6 %;

• densaýlyq saqtaý jáne áleýmettik qyzmet kórsetý salasynda — 28,3 %;

• qonaqúı jáne meıramhana bıznesinde — 25,5 %;

• memlekettik basqarý, qorǵanys jáne áleýmettik qamtamasyz etý salasynda — 25,8 %;

• qarjylyq deldaldyq jáne saqtandyrýda — 20,3 %;

• basqa qyzmet kórsetý salasynda — 21,6 %;

• paıdaly qazbalardy óndirýde — 13,9 %.

Buǵan deıin Qyrǵyzstanda tutynýshylar 2026 jyldan bastap daıashynyń qyzmetine aqy tólemeıtini habarlandy.