Qyrǵyzstanda ortasha aılyq jalaqy 42 myń somnan asty

ASTANA. KAZINFORM — 2025 jyldyń qańtar-maýsym aılarynda Qyrǵyzstanda shaǵyn kásiporyndardy esepke almaǵanda, bir jumysshynyń ortasha aılyq nomınaldy jalaqysy 42 020 somdy qurady, dep habarlaıdy Kabar.

Qyrǵyzstannyń Ulttyq statıstıka komıtetiniń málimetinshe, bul kórsetkish ótken jyldyń osy kezeńimen salystyrǵanda 19,6%-ǵa ósken.

Tutyný baǵalary ındeksin eskergende, naqty jalaqy 11,5%-ǵa artty.

2025 jyldyń birinshi jartyjyldyǵynda ortasha aılyq nomınaldy jalaqy barlyq ekonomıkalyq salalarda óskeni baıqaldy.

Eń úlken ósim tómendegideı salalarda tirkeldi:

• jyljymaıtyn múlik operatsııalary — 40,3%;

• qurylys — 39,4%;

• ákimshilik jáne qosymsha qyzmetter — 30,1%;

• densaýlyq saqtaý jáne áleýmettik qyzmet kórsetý — 27,3%;

• kásibı, ǵylymı jáne tehnıkalyq qyzmetter — 27,3%;

• qonaqúıler men meıramhanalar — 26,2%;

• memlekettik basqarý, qorǵanys jáne mindetti áleýmettik qamsyzdandyrý — 24,2%;

• qarjylyq deldaldyq jáne saqtandyrý — 22,9%;

• basqa qyzmet kórsetý salalary — 21,3%.

Osydan buryn Qyrǵyzstanda jazda jáne kúzde shekara qyzmetkerleriniń jalaqysy ósetini málim boldy.

Sondaı-aq Qyrǵyzstanda densaýlyq saqtaý uıymdaryndaǵy tehnıkalyq jáne kishi qyzmetkerlerdiń jalaqysy 20%-ǵa artty.