Qyrǵyzstanda ekologııa jónindegi jańa agenttik qurylýy múmkin

ASTANA. KAZINFORM — Búgin Jogorký Keneshtiń otyrysynda tóraǵa Nurlanbek Týrgýnbek ýýlý orman sharýashylyǵy men ekologııa máselelerimen aınalysatyn jeke agenttik qurýdy usyndy, dep jazady Kabar.

— Búgingi tańda orman sharýashylyǵy Tótenshe jaǵdaılar mınıstrliginiń qaramaǵynda. Biraq bul vedomstvo bir mezgilde órtti sóndirip, kóshkinderdi tazalap, ormandardyń jaǵdaıyn qalaı qadaǵalaı alady? Mundaı ártúrli baǵyttardy bir mekeme sheshe almaıdy. Sondyqtan ekologııa jáne orman sharýashylyǵy máselelerimen aınalysatyn jeke agenttik qurý qajet, — dedi Jogorký Kenesh tóraǵasy.

Nurlanbek Týrgýnbek ýýlý sonymen qatar tekserýshi ınspektsııalardy biriktirý ıdeıasyn qoldaıtynyn aıtyp, bir organnyń aldymen ruqsat berip, keıin ózi tekseris júrgizý tájirıbesin joıý qajettigin atap ótti.

Spıkerdiń aıtýynsha, qadaǵalaýshy organdardyń sanyn qysqartyp, olardyń mindetterin naqty bólý qajet.

Buǵan deıin Qyrǵyzstan astanasynyń birneshe aýdanynda jaryq óship qalǵanyn jazǵan edik.