Qyrǵyzstanda oqýshylardyń bilimi tómen gımnazııalar men lıtseıler qarapaıym mektep bolyp qurylady
Qyrǵystannyń bilim jáne ǵylym mınıstrligi mektep-gımnazııa men mektep-lıtseı oqýshylarynyń oqý úlgerimi nashar bolǵan jaǵdaıda jáne olar talaptarǵa sáıkes kelmese jalpy bilim beretin mektepter bolyp qaıta qurylatynyn málimdedi. Bul týraly Kazinform Kabar anenttigine silteme jasap habarlaıdy.
Qazirgi ýaqytta Úkimettiń 2011 jylǵy 12 qyrkúıektegi № 541 qaýlysymen bekitilgen Qyrǵyz Respýblıkasynyń jalpy bilim berý uıymdary týraly Úlgilik erejege ózgerister men tolyqtyrýlar engizý jónindegi Mınıstrler qaýlysynyń jobasy ázirlenýde.
Munda mektep-gımnazııalar men mektep-lıtseılerde bilim berý sapasyn arttyrý máselesine basa nazar aýdaryldy, óıtkeni muǵalimder mektep mártebesi men jalaqyǵa qosa qosymsha úıirmelerdiń jumysy úshin 15% jáne 20% ústemeaqy alady.
Jalpy, respýblıkalyq bıýdjet qarajatynan muǵalimderge qosymsha aqy tóleýge jyl saıyn 1 mlrd 13 mln som bólinedi, biraq, bilim berý sapasy tómen mektepter áli de joq emes.
Bekitilgen talaptarǵa sáıkes kelmegen jáne oqýshylardyń úlgerimi tómen bolǵan jaǵdaıda mektep-gımnazııalar men mektep-lıtseıler jalpy bilim beretin mektepter bolyp qaıta qurylatyn bolady.
