Qyrǵyzstanda oqýshylar jappaı astan ýlandy

ASTANA. KAZINFORM — Qyrǵyzstan astanasy Bishkektegi mektepte jappaı ýlaný oqıǵasy boldy — barlyǵy 58 adam aýrýhanaǵa jatqyzyldy, onyń 54-i — balalar. Bul týraly 24.kg habarlady. 

Qyrǵyzstan Densaýlyq saqtaý mınıstrliginiń málimetinshe, 31 qazan kúni naýqastar qaıtalanatyn qusý, dıareıa jáne qatty aýyrsyný belgilerimen Respýblıkalyq juqpaly aýrýlar klınıkalyq aýrýhanasyna jetkizildi.

Ýlanǵandardyń túski as kezinde mektep ashanasynda daıyndalǵan shaýrmany jegeni belgili boldy. Barlyǵy 58 adam medıtsınalyq kómekke júgindi, onyń 54-i balalar, al tórteýi eresekter.

9 naýqas aýrýhanaǵa jatqyzyldy, olardyń jaǵdaıy turaqty. Tekserýden keıin 49 adamǵa qajetti medıtsınalyq kómek kórsetilip, úıinde emdelýge jiberildi.

Naýqastardyń asqazandary jýyldy, qajetti taldaýlar alyndy. Epıdemıologııalyq tekserýler bastaldy.

Eske sala keteıik, Ózbekstanda 2 myńǵa jýyq búldirshin astan ýlanǵany jaıly jazǵan edik.