Qyrǵyzstanda oqý aqysynyń qymbattaýyna moratorıı engizildi
ASTANA. KAZINFORM — Sadyr Japarov joǵary oqý oryndary men kásiptik bilim berý uıymdarynda oqý aqysynyń qymbattaýyna moratorıı engizdi, dep habarlaıdy Kabar.
Sadyr Japarov «Joǵary jáne orta kásiptik bilim berý uıymdarynda oqý aqysyn kóterýge moratorıı engizý týraly» jarlyqqa qol qoıdy.
Prezıdent ákimshiliginiń habarlaýynsha, qujat bilim berý qyzmetterine qoljetimdilikti qamtamasyz etý, azamattardyń áleýmettik qorǵalýyn kúsheıtý, stýdentterdiń quqyqtary men qajettilikterin iske asyrý maqsatynda qabyldanǵan.
Qyrǵyzstan Konstıtýtsııasynyń 66 jáne 71-baptaryna sáıkes, 2026–2027 oqý jylynda Qyrǵyzstan azamattaryna arnalǵan aqyly bilim berý qyzmetteriniń tarıfterin kóterýge moratorıı engiziledi.
Bul sheshim uıymnyń menshik nysany men mártebesine qaramastan, joǵary oqý oryndary men orta kásiptik bilim berý uıymdarynyń barlyǵyna qatysty bolady.
Aıta ketelik Qyrǵyzstanda dárigerlerge shabýyl jasaǵandarǵa jaza kúsheıtilgen edi.
