Qyrǵyzstanda Nurǵısa Tilendıevtiń 100 jyldyǵyna arnalǵan kontsert ótti
ASTANA. KAZINFORM – Bishkekte A.Maldybaev atyndaǵy Qyrǵyz ulttyq teatry sahnasynda Qazaqstan Respýblıkasynyń halyq ártisi, tanymal kompozıtor jáne dırıjer Nurǵısa Tilendıevtiń týǵanyna 100 jyl tolýyna oraı «Álqıssa» atty shyǵarmashylyq kesh ótti, dep habarlaıdy Kazinform agenttiginiń menshikti tilshisi.
Іs-sharany N.Tilendıev atyndaǵy «Otyrar sazy» memlekettik folklorlyq-etnografııalyq orkestriniń mýzykalyq oryndaýy ashty. Orkestrdiń dırıjeri, kórkemdik jetekshi Dinzuhra Tilendıeva.
Almaty oblysy ákimdiginiń uıymdastyrýymen ótken kontsertke Qazaqstannyń halyq ártisi Seken Turysbek, Qazaqstannyń eńbek sińirgen ártisi Zarına Altynbaeva, Qazaqstannyń eńbek sińirgen qaıratkeri, kúıshi Nurken Áshirov, halyqaralyq baıqaýlardyń laýreattary Uljan Aǵlaqova, Tólegen Rahymbaev, Musa Saparaly, Ardaq Ámirqulova, Saltanat Qudaıbergen, Farhat Qubıev, Ádil Ahmetjanov, Qyrǵyz Respýblıkasynyń eńbek sińirgen ártisi, tanymal qomýzshy Zakırbek Dúıshónbek ýýlý, sondaı-aq «Sazgen» jáne «Kulansaz» folklorlyq-etnografııalyq ansamblderi men «Altynaı» memlekettik halyq bı ansambli qatysty.
Elorda kórermenderi qazaq mýzykasynyń altyn qoryna aınalǵan Nurǵısa Tilendıevtiń úzdik shyǵarmalaryn qazaqstandyq jáne qyrǵyzstandyq ónerpazdardyń oryndaýynda tyńdap, erekshe áser aldy.
Shyǵarmashylyq keshte Nurǵısa Tilendıevtiń «Mahambet», «Alataý», «Júregim meniń», «Kýá bol», «Qustar qaıtyp barady», «Sarjaılaý» syndy tanymal týyndylary jáne basqa da shyǵarmalary oryndaldy.
Kontserttiń qurmetti qonaqtary Qazaqstan Respýblıkasynyń Mádenıet jáne aqparat mınıstri Aıda Balaeva, Qyrǵyz Respýblıkasynyń memlekettik hatshysy Marat Imanqulov, ǵylymı jáne shyǵarmashylyq zııaly qaýym ókilderi, sondaı-aq qazaq dıasporasynyń músheleri boldy.
Merekede bishkektik kórermender qol shapalaqtap, zor qoshemet kórsetti.
Eske sala keteıik, Qazaqstan Prezıdenti Qasym-Jomart Toqaevtyń Qyrǵyzstanǵa resmı sapary qarsańynda Bishkekte Qazaqstan kınosynyń kúnderi bastaldy.
Sondaı-aq Shoqan Ýálıhanov týraly derekti fılm tanystyryldy.
