Qyrǵyzstanda Nestle balalar taǵamynyń jekelegen partııalary keri qaıtarylyp jatyr
BІShKEK. KAZINFORM – «Nestle Reseı» shıkizatta toksın bar bolýy qaýpine baılanysty Qyrǵyzstandaǵy bólshek saýda jelisinen balalar taǵamynyń belgili bir partııalaryn erikti túrde keri qaıtaryp alý týraly sheshim qabyldady. Qyrǵyz Respýblıkasy Densaýlyq saqtaý mınıstrliginiń Aýrýlardyń aldyn alý jáne memlekettik sanıtarlyq-epıdemıologııalyq qadaǵalaý departamenti málimdedi, dep habarlaıdy Kazinform menshikti tilshisi.
«Nestle» balalar taǵamy ónimderiniń resmı dıstrıbıýtory «Forester» JShQ kompanııasynyń málimetinshe, keri qaıtaryp alý belgili kúnderi shyǵarylǵan NAN 1 OPTIPRO, NAN OPTIPRO 2, NAN EXPERTPRO, NAN 2 Optipro, PRENAN, NAN LACTOSE FREE saýda belgilerimen shyǵarylatyn qurǵaq erıtin sútke, ashytylǵan sútke jáne laktozasyz qospalarǵa qatysty.
Shıkizatta tsereýlıd toksıni (arahıdon qyshqyly) bolýynyń yqtımal qaýpi anyqtalǵandyqtan bul ónimderdi keri qaıtaryp alý saqtyq sharasy retinde júzege asyrylyp jatyr.
Buǵan deıin Nestle ónimderi Qazaqstan naryǵynan keri qaıtarylyp jatqanyn jazǵan bolatynbyz.
