Qyrǵyzstan Mınıstrler kabınetin Parlamenttiń tapsyrmasyn oryndaýǵa mindettemek

BІShKEK. KAZINFORM – Qyrǵyz Respýblıkasy Jogorký Keneshiniń depýtattary úshinshi oqylymda «Qyrǵyz Respýblıkasynyń Mınıstrler Kabıneti týraly» Qyrǵyz Respýblıkasynyń konstıtýtsııalyq zańyna Mınıstrler Kabınetin parlamenttiń tapsyrmalaryn oryndaýǵa mindetteıtin túzetýlerdi qabyldady.

Qujattyń bastamashysy depýtat Dastan Jumabekovtń atap ótýinshe, Jogorký Kenesh sheshimderiniń oryndalýyn mınıstrler kabıneti emes, mınıstrlikter men vedomstvolar deńgeıindegi atqarýshy bılik organdary qamtamasyz etedi.

Onyń pikirinshe, zańda quqyq kollızııasy bar, óıtkeni Konstıtýtsııalyq zańnyń 13-babynda Mınıstrler Kabınetiniń ókilettiginde Jogorký Kenesh sheshimderin Mınıstrler Kabınetiniń oryndaý normasy joq.

Qabyldanǵan zań jobasyna sáıkes, Mınıstrler kabınetine Jogorký Keneshtiń tapsyrmalary negizinde Qyrǵyz Respýblıkasynyń búkil aýmaǵynda mindetti kúshi bar qaýlylar men ókimder shyǵarý jáne olardyń oryndalýyn baqylaýdy qamtamasyz etý ókilettigi berilgen. Mınıstrler Kabınetiniń zań jobasyn qaraý merzimin uzartqan jaǵdaıda, zań shyǵarý bastamasy sýbektisimen kelisim boıynsha resmı qorytyndy berý merzimin 15 kúnnen aspaıtyn merzim belgileý usynylady.

Buǵan deıin Qyrǵyzstanda azamattardyń ótinishterin qaraý tártibin buzǵany úshin memlekettik qyzmetkerlerdiń jaýapkershiligin kúsheıtýdi josparlap otyrǵany habarlanǵan bolatyn.

Osyǵan deıin Qyrǵyzstanda BAQ pen ınternet arqyly qorlaý men jala japqandarǵa jaza kúsheıtiletini týraly jazdyq.