Qyrǵyzstanda mınıstrler kabıneti basshysy men mınıstrlerdiń qyzmet ótiline qoıylatyn talaptar ózgerdi
ASTANA.KAZINFORM - Qyrǵyz Respýblıkasynyń Prezıdenti Sadyr Japarov Qyrǵyz Respýblıkasy mınıstrler kabınetiniń qyzmetin jetildirýge baǵyttalǵan konstıtýtsııalyq zańǵa qol qoıdy, dep habarlaıdy Kazinform agenttiginiń tilshisi.
Túzetýlerge sáıkes:
Mınıstrler kabıneti tóraǵasynyń jáne mınıstrler kabınetiniń basqa múshesiniń laýazymdarynda joǵary bilimi, memlekettik jáne (nemese) mýnıtsıpaldy laýazymdarda barlyǵy 7 jyldan kem emes ótili bar, onyń ishinde basshy laýazymdarda 5 jyldan kem emes ótili bar adamdar, sondaı-aq keminde 10 jyl ótili bar tulǵalar qyzmet ete alady;
Basqa atqarýshy organnyń basshysy laýazymynda joǵary bilimi bar, memlekettik jáne (nemese) mýnıtsıpaldy laýazymdarda barlyǵy 5 jyldan kem emes, onyń ishinde basshy laýazymynda 3 jyl jumys ótili bar adamdar, sondaı-aq keminde 7 jyl jumys ótili bar adamdar qyzmet ete alady.
Qyrǵyz Respýblıkasynda Jogorký Kenesh depýtattaryn saılaýdyń jańa júıesi bekitilgeni buǵan deıin habarlanǵan bolatyn.