Qyrǵyzstanda mılıtsııanyń JI-kómekshisi iske qosyldy
ASTANA. KAZINFORM — Qyrǵyzstanda mılıtsııanyń «Myızambek» atty vırtýaldy kómekshisi synaq rejıminde iske qosyldy.
Qyrǵyzstan ІІM dereginshe, chat-bot Telegram messendjerinde jumys isteıdi. Azamattar oǵan ótinish joldap, quqyqbuzýshylyqtar týraly aqparatty jedel habarlaı alady.
Qyrǵyzstan turǵyndary chat-bot arqyly sybaılas jemqorlyq, para talap etý, ekonomıkalyq qylmystar, memlekettik organdardyń zańsyz áreketteri, laýazymdy tulǵalardyń qyzmettik ókiletin asyra paıdalanýy jáne zańnamaǵa qaıshy ózge de áreketter týraly málimet bere alady.
Sonymen qatar chat-bot arqyly qajetti keńes alýǵa bolady. Ótinishtiń mazmunyna qaraı aqparat ІІM-niń Qylmystyq izdestirý bas basqarmasyna nemese Іshki tergeý qyzmetine joldanady.
Eske salaıyq, buǵan deıin Qyrǵyzstanda parlament jumysyn jasandy ıntellekt taratatynyn habarlanǵanbyz.
