Qyrǵyzstanda meıirbıkelerdiń jalaqysy artty

ASTANA. KAZINFORM —  Qyrǵyzstanda densaýlyq saqtaý uıymdaryndaǵy tehnıkalyq jáne kishi qyzmetkerlerdiń jalaqysy 20%-ǵa artty, dep jazady Kabar.

2025 jylǵy 28 mamyrdaǵy Qyrǵyz Respýblıkasy Prezıdentiniń jarlyǵyna sáıkes, mınıstrler kabıneti densaýlyq saqtaý uıymdary qyzmetkerleriniń eńbekaqy tóleý sharttaryna ózgerister engizdi.

Qabyldanǵan ózgeristerge sáıkes, 2025 jylǵy 1 mamyrdan bastap tehnıkalyq jáne kishi qyzmet kórsetýshi personaldyń, sonyń ishinde kishi meıirbıkelerdiń, sanıtarlardyń, jedel járdem júrgizýshileriniń jáne medıtsınalyq mekemelerdiń jumysyn qamtamasyz etetin basqa da qyzmetkerlerdiń jalaqysy 20 paıyzǵa kóbeıtildi.

Jalaqy ósiminiń mysaldary tómendegideı:

▪ Kishi meıirbıke:

• buryn — 13 240 som,

• endi — 15 606 som.

▪ Jedel járdem kóliginiń júrgizýshisi (arnaıy dybystyq belgimen jabdyqtalǵan):

• buryn — 21 597,2 som,

• endi — 26 499,2 som.

Atalǵan sharany júzege asyrý úshin respýblıkalyq bıýdjetten 500,9 mıllıon som bólindi. Bul 16 286 kishi jáne tehnıkalyq personal qyzmetkerleriniń eńbekaqysyn arttyrýǵa múmkindik beredi.

Buǵan deıin Qyrǵyzstanda asyl tuqymdy mal sharýashylyǵy tsıfrlyq júıege kóshirilgenin jazǵan edik.