Qyrǵyzstanda meshit pen shirkeý qurylysyn retteıtin tetik engizý usynyldy

ASTANA. KAZINFORM — Qyrǵyzstannyń eldi mekenderindegi dinı nysandardyń sanyna shekteý qoıý usynyldy, dep habarlaıdy Kazinform agenttiginiń tilshisi. 

Qyrǵyz Respýblıkasynyń Din isteri jónindegi memlekettik komıssııasy tıisti qaýlyny qoǵamdyq talqylaýǵa usyndy.

Qujatty ázirleýshilerdiń aıtýynsha, Qyrǵyzstanda meshitter, namazhanalar men shirkeýlerdiń jappaı jáne retsiz salynyp jatyr.

— Dinı nysandar halyqtyń naqty qajettiligi eskerilmesten salynyp jatyr. Kóp jaǵdaıda bir eldi mekenniń ózinde bir-birine jaqyn ornalasqan 10-ǵa deıin dinı nysan jumys istep turýy múmkin. Osyǵan baılanysty eldi mekenderde dinı maqsattaǵy nysandardyń shekti sanyn belgileý qajettiligi týyndap otyr, — delingen qujatta.

Mundaı ǵımarattar men qurylystardy jobalaý kezinde kelesi talaptardy eskerý usynylady:

aýyldarda bir dinı nysannan ekinshisine deıingi araqashyqtyq keminde 2 shaqyrym bolýy tıis;

aımaqtyq aýyldyq okrýgterde — keminde 3 shaqyrym;

qalalarda — keminde 4 shaqyrym.

Bul qaýly buryn salynǵan dinı nysandarǵa qoldanylmaıdy.

Osy jyldyń qańtar aıynda Qyrǵyz Respýblıkasynda din týraly zań qabyldanǵan bolatyn. Buǵan deıin zırattarda eskertkishter men memorıaldyq belgiler ornatý erejeleri ázirlengen.

Aıta ketelik Qyrǵyzstandaǵy qonaqúıler men demalys oryndary juldyzyna qaraı baǵalanady.