Qyrǵyzstanda memlekettik tóńkeris uıymdastyrýǵa qatysty adamdar ustaldy
Qyrǵyzstannyń Ulttyq qaýipsizdik memlekettik komıteti memlekettik tóńkeris jasaýǵa umtyldy dep kúdik keltirilip otyrǵan bıznesmen Imamıddın Tashov pen belsendi Tlekmat Kúreńovtyń belsendi eki jaqtasyn ustady, dep habarlaıdy Kazinform QR Ulttyq qaýipsizdik memlekettik komıtetiniń baspasóz qyzmetine silteme jasap.
Belgili bolǵandaı, konstıtýtsııalyq qurylym men táýelsizdikti qorǵaý boıynsha mindetterdi sheshý jumystary aıasynda arnaıy qyzmet I.Tashov pen T.Kúreńovtyń Qyrǵyzstan aýmaǵynda jappaı tártipsizdik ornatyp, artynan bılikti kúshpen basyp alýǵa daıyndyq jasap, ony uıymdastyrý faktisin anyqtady.
Atalǵan fakt boıynsha QR Qylmystyq Kodeksiniń 326 baby, 1 tarmaǵy, 245 tarmaqshasynda kórsetilgen «Bılikti kúshpen basyp alý», «Kommertsııalyq jáne ózge uıym qyzmetshisiniń ókilettigin asyra paıdalaný» áreketi boıynsha qylmystyq is qozǵaldy.
Vedomstvonyń habarlaýynsha, búgingi tańda I.Tashov pen T.Kúreńov tergeýden qashyp, qozǵalǵan qylmystyq boıynsha olarǵa izdeý jarııalandy.
Jedel tergeý jumystarynyń nátıjesinde I.Tashov pen T.Kúreńovtyń el óńirlerindegi kóptegen jaqtastary anyqtaldy. Olar tergeldi. Sonymen qatar I.Tashovtyń daıyndyq jáne uıymdastyrý jumystaryn qarjylandyrý boıynsha aqparattar alyndy.
QR UQMK sondaı-aq jekelegen adamdardy ustady jáne olardyń bılikti qulatý boıynsha qylmystyq áreketterge qatysyn rastaıtyn málimetter alyndy.
QR UQMK sondaı-aq jekelegen adamdardy ustady jáne olardyń bılikti qulatý boıynsha qylmystyq áreketterge qatysyn rastaıtyn málimetter alyndy.
Tergeý nusqasy boıynsha «M.A.I» OSh jáne Jalal-Abad oblystarynda úılestirýshi rólin atqarý kerek bolǵan. ıAǵnı olar kez kelgen áleýmettik-ekonomıkalyq shıelenis, baqylaý-kassa mashınalar problemasy, elektrondy kólik qujattary sııaqty túrli negizder boıynsha adamdardy jappaı narazylyq aktsııasyna qatystyrý úshin adamdardy jınap, uıymdastyrýy kerek bolatyn. Sondaı-aq onyń mindetine adamdarǵa aqsha taratyp, olardy uıymdastyryp, Bishkekke alyp kelý jumystary kirgen.
