Qyrǵyzstanda memlekettik marapattar sany eki ese qysqartyldy

BІShKEK. KAZINFORM – Qyrǵyzstanda memlekettik marapattar, qurmetti ataqtar jáne memlekettik syılyqtar týraly zańǵa qol qoıyldy, dep habarlaıdy Kazinform agenttiginiń Bishkektegi menshikti tilshisi. 

Qujatta yntalandyrý júıesin jetildirý, sondaı-aq marapattar sanyn 46-dan 22-ge deıin qysqartý qarastyrylǵan.

Zańmen «Erdık» ordeni (dárejesiz), «Ardaq» medali, «Qyrǵyz Respýblıkasynyń jaratmany» qurmetti ataǵy, «Qyrǵyz Respýblıkasynyń syımyǵy» qurmetti ataǵy quryldy.

«Qyrǵyz Respýblıkasynyń el mýgalımı» («Halyq muǵalimi»), «Qyrǵyz Respýblıkasynyń el vrachy» («Halyq dárigeri»), «Qyrǵyz Respýblıkasynyń el artısı» («Halyq ártisi»), «Qyrǵyz Respýblıkasynyń el jazýýsýsý» («Halyq jazýshysy»), «Qyrǵyz Respýblıkasynyń el akyny» («Halyq aqyny»), «Qyrǵyz Respýblıkasynyń el súrótchúsú» («Halyq sýretshisi») qurmetti ataqtary saqtaldy.

Budan basqa, memlekettik marapattar júıesinen «Ata Meken Baatyrynyń» eń joǵary dárejeli erekshelik belgisi, «Danaker» ordeni, úsh dárejeli «Erdık» ordeni, «Dańq» medali, Qyrǵyz Respýblıkasynyń qurmet gramotasy jáne ekinshi sanattaǵy «Eńbek sińirgen» ataǵy alynyp tastaldy.

Osyǵan deıin Qyrǵyzstan prezıdenti Sadyr Japarov Osh oblysy Nookat aýdanynyń turǵyndarymen kezdesýinde ákimshilik-aýmaqtyq reformanyń ekinshi kezeńin jarııalady.

Onda qyrǵyz basshysy bılik elde oblystar men aýdandardyń ornyna 20 okrýg qurýdy josparlap otyrǵanyn aıtty.