Qyrǵyzstanda memlekettik qarjylandyrýdaǵy stýdentter ártúrli aımaqtarǵa oqýǵa jiberiledi
BІShKEK. KAZINFORM — Qyrǵyzstanda aımaqtar arasynda memlekettik qarjylandyrýdaǵy stýdentterdi rotatsııalaý júıesi engizilip jatyr, dep habarlaıdy Kazinform agenttiginiń Bishkektegi menshikti tilshisi.
Tıisti jarlyqqa Qyrǵyzstan prezıdenti Sadyr Japarov qol qoıdy.
Baǵdarlama eldiń barlyq aımaqtarynda sapaly bilimge teń qoljetimdilikti qamtamasyz etý jáne kásibı áleýetti nyǵaıtýǵa baǵyttalǵan.
Mınıstrler kabınetine rotatsııaǵa qatysýshylardy qoldaýdyń arnaıy baǵdarlamasyn ázirleý tapsyryldy, oǵan mynalar kiredi:
* memlekettik bilim berý granttarynyń kvotalaryn aımaqtyq balansqa negizdep bólý;
* stýdentterge stıpendııalar berý;
* stýdentter úshin ishki áýe tasymalyn qamtamasyz etýdi qosa alǵanda, jol júrý shyǵyndaryn jabý;
* jalpy syıymdylyǵy keminde 9 myń oryndyq zamanaýı stýdenttik jataqhanalardy kezeń-kezeńimen salý. Olar oqý ortalyqtary, ashanalar, sport alańdary jáne basqa da ınfraqurylymmen jabdyqtalady.
Tólemder men kólik shyǵyndaryn qarjylandyrý respýblıkalyq bıýdjetke 2027 jyldan bastap engiziledi.
Osyǵan deıin Qyrǵyzstanda stýdentterdi rotatsııalaý júıesi engiziletinin habarladyq.
