Qyrǵyzstanda maldy elden shyǵarýǵa tyıym salyna ma
ASTANA. KAZINFORM – Qyrǵyzctan Respýblıkasynyń Sý resýrstary, aýyl sharýashylyǵy jáne óńdeý ónerkásibi mınıstrligi 6 aı merzimge aýyl sharýashylyǵy janýarlaryn elden shyǵarýǵa tyıym salýdy usynyp otyr, dep habarlaıdy Kazinform menshikti tilshisi.
Tıisti qaýly jobasy qoǵamdyq talqylaýǵa shyǵaryldy. Іs-sharalar eldiń azyq-túlik qaýipsizdigin qamtamasyz etýge jáne áleýmettik mańyzy bar azyq-túlik taýarlarynyń naryqtyq baǵasyn turaqtandyrýǵa baǵyttalǵan.
Erekshelikter:
* reeksport, Qyrǵyz Respýblıkasy arqyly tranzıt jáne EAEO-nyń bir sýbektisinen ekinshi sýbektisine onyń aýmaǵy arqyly ótý;
* zańdy jáne jeke tulǵalarǵa Qyrǵyz Respýblıkasynyń aýmaǵynan iri qara maldy (EAEO TN VED kody 0102), jylqylardy (EAEO TN VED kody 0101), qoı men eshkini (EAEO TN VED kody 0104) eksporttaýǵa bólingen kvotalar;
* jarystarǵa qatysatyn sporttyq jylqylar;
* Qyrǵyz Respýblıkasy Prezıdentiniń jáne Mınıstrler Kabınetiniń nemese ýákiletti atqarýshy organnyń sheshimderi negizinde shet memleketterge, halyqaralyq uıymdarǵa nemese jeke tulǵalarǵa syıǵa tartylǵan jylqylar.
Vedomstvonyń málimetinshe, Qyrǵyzstan naryǵy EAEO-nyń basqa elderimen salystyrǵanda et baǵasynyń joǵary ósimin kórsetip otyr. Et óndirisiniń turaqty ósýine qaramastan ishki naryqtaǵy baǵany tómendetý úshin arnaıy memlekettik quraldar qajet (eksportqa shekteýler, sýbsıdııalar berý, jem óndirisin ulǵaıtý jáne t.b.).
Aýyl sharýashylyǵy janýarlaryn eksporttaýǵa tyıym salý 2025 jyldyń ortasyndaǵy jaǵdaı boıynsha EAEO elderinde et baǵasynyń ósýine áser etken birqatar faktorǵa baılanysty ekeni atap ótiledi, onyń ishinde:
— jem-shóp pen veterınarııalyq preparattardyń qymbattaýy;
— salynǵan sanktsııalarǵa baılanysty et ımporty kóleminiń tómendeýi;
— logıstıkalyq shyǵyndardyń ósýi;
— mal eksporty kóleminiń ósýi;
— jem baǵasynyń ósýi (shóp — 30%-ǵa deıin).
Eske sala ketsek, 2024 jyldyń qyrkúıeginde Qyrǵyzstanda iri qara, usaq mal jáne jylqy malyn úshinshi elge eksporttaýǵa tirkeý jáne ruqsat berý ýaqytsha toqtatyldy.