Qyrǵyzstanda mádenıet salasy qyzmetkerleriniń jalaqysy 100%-ǵa ósedi
ASTANA. KAZINFORM – Adylbek Kasymalıev Qyrǵyzstanda 2026 jylǵy 1 sáýirden bastap dárigerlerdiń, muǵalimderdiń jáne mádenıet salasy qyzmetkerleriniń jalaqysy keminde eki esege artatynyn málimdedi. Bul týraly ol Mejgosýdarstvennaıa teleradıokompanııa «Mır» arnasyna bergen suhbatynda aıtty, dep habarlaıdy Kabar.
Onyń sózinshe, bastapqyda áleýmettik sala qyzmetkerleriniń jalaqysyn 50%-ǵa ósirý josparlanǵan. Alaıda el prezıdenti bul kórsetkishti 100%-ǵa deıin kóterýdi tapsyrǵan.
Kasymalıevtiń aıtýynsha, jalaqyny eki esege arttyrý úshin qajetti qarajat bıýdjette aldyn ala qarastyrylǵan. Bul sheshim prezıdenttiń ótken jyldyń jeltoqsan aıynda ótken quryltaıda jasaǵan málimdemesine sáıkes qabyldanǵan.
Sonymen qatar keıbir medıtsına qyzmetkerleri úshin jalaqy ósimi budan da joǵary bolady. Atap aıtqanda, eńbek ótili joq jas dárigerlerdiń jalaqysy 1,6–1,7 esege deıin kóbeıedi.
Aıta keteıik, buǵan deıin Qyrǵyzstanda 1 sáýirden bastap medıtsına salasy qyzmetkerleriniń jalaqysy 100%-ǵa artatynyn habarladyq.
Al jalpy atalǵan elde jalaqy 16,1%-ǵa ósti.
Sondaı-aq Qyrǵyzstan ІJÓ-ni 2030 jylǵa qaraı 30 mlrd dollarǵa jetkizýdi kózdep otyr.
