Qyrǵyzstanda ilbisti atqandarǵa 2 mln som aıyppul salynady
ASTANA. KAZINFORM — Qyrǵyzstanda sırek kezdesetin jabaıy janýarlardy zańsyz aýlaǵandar men atqandarǵa qomaqty aıyppul qarastyrylǵan, dep habarlaıdy Kazinform agenttiginiń Bishkektegi tilshisi.
Tabıǵı resýrstar, ekologııa jáne tehnıkalyq qadaǵalaý mınıstrliginiń málimeti boıynsha, joıylyp bara jatqan túrlerdi zańsyz atqany úshin kelesi aıyppuldar belgilendi:
- Іlbis — 2 mıllıon som (11,1 mıllıon teńgeden astam).
- Arqar (taý eshkisi), maral (buǵy), qońyr aıý jáne qaraquıryq — 1,5 mıllıon som (8,3 mıllıon teńgeden astam).
- Qyzyl qasqyr, pallada mysyǵy jáne sileýsin — 50 000 som (278 500 teńge).
Buǵan deıin Qyrǵyzstan Respýblıkasy jabaıy tabıǵatqa zııan keltirgenderge jazasyn kúsheıtkeni belgili.
Aıta keteıik, 2025 jyldyń jeltoqsanynda Qyrǵyzstanda ortaazııalyq ózen kámshaty tabylǵan bolatyn.
