Qyrǵyzstanda qujattarda jynysty ózgertýge tyıym salýdy usyndy

BІShKEK. KAZINFORM — Qyrǵyzstanda azamattyq hal aktilerin tirkeý jáne basqa da qujattarda bıologııalyq jynysty tolyǵymen ózgertýge zańnamalyq tyıym salýdy usynylyp otyr, dep habarlaıdy Kazinform menshikti tilshisi. 

Tıisti zań jobasy qoǵamdyq talqylaýǵa usynyldy.

Túzetýlerdiń bastamashysy Qyrǵyz Respýblıkasynyń Otbasy kodeksindegi erkek pen áıel uǵymdary tek bınarlyq, ıaǵnı týǵan kezdegi bıologııalyq jynysqa negizdelgenin atap ótti.

Jynysty ákimshilik qaıta taǵaıyndaý otbasylyq quqyqtyń negizderin buzady jáne qyzmettiń ártúrli salalarynda (ádilet jáne qylmystyq ister, áskerı qyzmet jáne sport) qıyndyqtar týdyrady.

Usynylyp otyrǵan zańnamalyq túzetýler bir bıologııalyq jynystaǵy adamdar arasyndaǵy nekege tyıym salýdy qarastyryp otyr. Balanyń anasy retinde tek áıel, al ákesi retinde tek er adam ǵana tanyla alady.

Qujatqa sáıkes, ata-analar balalaryn ózderiniń bıologııalyq jynysyna sáıkes tárbıeleýge jáne jynysyn ózgertýge aralasýdan basqa, olardyń fızıkalyq jáne psıhıkalyq densaýlyǵyn qorǵaýǵa baǵyttalǵan barlyq sharany qabyldaýǵa mindetti.

Adamnyń jynysy tek týý týraly kýálikte týǵan kezde jazylǵan bıologııalyq sıpattamalar negizinde anyqtalady. 

Týýdy memlekettik tirkeý kezinde engizilgen jynys týraly jazba túpkilikti bolyp tabylady jáne kámeletke tolǵannan keıin, azamattyń ótinishi, sot sheshimi nemese medıtsınalyq nemese basqa qorytyndylar boıynsha ózgertile almaıdy. 

AHAT qyzmetkeri bastapqy jazbany jasaý kezinde jibergen tehnıkalyq qatelerdi (jańylysý, qatelesý) túzetýge ǵana ruqsat etiledi. 

Budan basqa, zań jobasy jynysty ózgertý maqsatynda hırýrgııalyq aralasý nemese gormondyq terapııa sııaqty medıtsınalyq aralasýlarǵa tyıym salady. Medıtsınalyq komıssııa jáne sot sheshimimen rastalǵan jynystyq damýdyń týa bitken aýytqýlaryn emdeý jaǵdaılary ǵana erekshelikter bolyp tabylady. 

Buǵan deıin Tramp transgenderlerge sporttan áıelder arasyndaǵy jarysqa qatysýǵa tyıym salǵanyn jazǵan bolatynbyz.